موضوع: تخاريف مش تخاريف الجمعة أبريل 29, 2011 12:23 am
وانا ماشى فى العيد فى شارع الكواتلى أنضف مكان فى المحله يعتبر وأرقى ناس ألاقى بنتين لاتتعدى الواحده 18سنه بيجرى وراها اكتر من 30 ولد فى مرحلة الثانوى والاعداديه وبعدين ألاقى البنتين بيجروا وبيضحكوا من إيه مش فاهم ربنا يشفى بعد لحظة لقيت البنات بيتشدوا من الولاد من اللبس اللى المفروض انه لبس العيد وإنتم فاهمين اللبس بقى إزاى دلوقتى فى ثانيه لقيت البنتين فى وسط العشرين ولد دول بيتشدوا من كل منطقه لحد مأتكعبلت بنت منهم على الارض ليحدث لهم الاسوأ جريت أنا وصاحبى عليهم ننقذهم بعد مالقيت الناس واقفه ولا فى دماغها كل واحد يتفرج ويقول انا مالىهم الغلطانين إيه اللى لبسهم كده الحمد لله لما إتجرانا أنا وصاحبى جه معانا شابين ولحقنا البنات أمشى شويه صغيرين فى نفس الشارع الاقى كل بنت أو بنتين أو تلاته بيجرى وراهم عشرة عشرين ولد الغريب إن كل ده بيحصل فى كل مكان فى المحلة أو خارجها فى العيد أو غير العيد البنات يلبسوا على الموضه والشباب يتبهدل السؤال ليه كده وإيه اللى حصل للشباب وإيه اللى حصل فى المجتمع هل البنت اللى بتلبس كويس بيحصل معاها كده
هل البنت اللى مش بتضحك لما ولد يعاكسها بيقدر يكمل الموضوع
ولا العكس أسؤأ
واحده بتقول لصاحبتها
ماما إشترت لى موبايل وكل يوم بتدور وراى فى المكالمات والرسايل وكل حاجه
خايفه انسى فى يوم أمسح الحاجات دى والواد حمو وشفلوطة وزقلط وسفروت بيرنوا على اعمل ايه ؟ قالتلها وإنتى زعلانه ليه تجيبى خط تانى يبقى لحمو وشفلوطه وزقلط وبابا نغه كمان لو عايزة تطلعى بره البيت ترنى على الواد منهم يكلمك
شوية وترنى على غيره وبكده مايرنوش على بتاع ماما
واحدة تانيه تقول لصاحبتها تصورى زعزوعه بيغير على كل شويه يرن على يشوفنى مشغولة ولا إيه الواد هيجننى يإما أكلمه هو يإما بكلم حبيب تانى قالتلها ياااااه كده بس إعملى خاصية إنتظار مكالمات يرن عليكى يلاقيه بيرن وإنتى بتكلمى النغه التانى
صاحبنا التانى فايزة بتدور على واحد يخطبها لقت واد شيك ورشيق قالت ممكن ده يلحقنى من العنوسيه مين عارف الزمن اللى جاى بصت له بصلها قال ياااه هى دى البت الجامده بجد اللى هنعيش يومين معاها
ونتفسح لنا شويه بجد وأهو أنا يوم وهى يوم فى المصاريف ومش بعيد هى تصرف على
فايزة بقى يوم على يوم الواد عايش وخلاص وبعدين مش هيتدبس ولا إيه ؟ فايزة لحمص حمص بموت فيك انا قلبى كل يوم يدق ليك مش عارفه ازاى مكن اعيش من غيرك (الست فايزة بتدبسه ) هو بقى يقولها يااااه نفسى اعيش معاكى على طول بس لسه اخواتى مأتجوزوش مش عارف أخطب ولسه مستقبلى ولسه كليتى فاضلى سنه (بحبك بحبك بحبك بس ) حمص بيفلس هى تقوله هأستناك (حمص فى باله يخرب بيت أمك مابتفهميش
يقولها طبعا مأحنا مع بعض اهو سنه سنتين ولا حاجه ربنا يفرجها بعد يومين بعد تلاته تفكر الواد ده شكله مش هيخطبنى لما اشوفه هيعمل ايه ؟ حمص نعم يافايزة أنا فى واحد على أول شارعنا جاى يتقدملى أعمل إيه أنا هأقتل نفسى (طبعا كدابه ) حمص يقولها أنا هأعيش مجروح بقى أعمل إيه أنا عايز مستقبلك أهم عندى وطبعا هنتقابل بعد الخطوبه (هههههههه الباشا ناوى يخون خطيبها وبعدين يخون جوزها )المهم صاحبتنا لقت مامنوش رجا قالتله ماشى وطبعا بدأت تزبط غيره.
واحد صاحبنا كل يوم بعد مايجى ينام عايز يكلم حبيبته عمال يرن ماتردش ماتردش تانى يوم يسألها تقوله معلش عاملاه صامت وبناااااااام تانى يوم يرن يرن يرن يفكر يبعت رساله يشوفها صاحيه ولا نايمه يتفاجأ بإستلام الرساله يرن بعدها يفكرها هترد ماتردش طيب ليه ومين إستلم الرساله (عفريت نايم جنبها ) حركااااااااااات بنات
واحدة متجوزة تقول لجوزها رايحه أكشف على سنانى طبعا تأخد ابنها الصغير ساعه ساعتين تلاته اربعه ترجع اول يوم بعد ماكشفت بجد توريله انها لازمها علاج وحاجات ولازم كل اسبوع تروحله مرتين وهكذا لشهرين تلاته بظروفها واحد كان عنده عصارة ابن خال جوزها كان يلاقى دى بتركب للدكتور بعد 10دقايق يلاقى برده بيركب من الموقف واحد صاحب جوزها جدا وبيعد معاه فى البيت يتعشى ويشرب الشاى وووو طبعا صاحبنا اخد باله مرة واتنين وتلاته مصدقش نفسه عادى طبعا عمل حسابه يأخد باله وفى يوم سابها تركب وركب وراها ميكروباص تانى نزل فى اول يوم يعرف الدكتور فين وكده المهم تانى مرة لقاها بتتكلم من تحت الدكتور على موبايل استنى نص ساعه لقى إن صاحب جوزها قابلها وركبوا تاكسى وطبعا كل ده معاها إبنها الغير لايتعدى 3 سنوات طبعا وقف التاكسى ونزلها رايحه فين ...... طبعا بكت علشان خاطرى ده شافنى بظروفها كان بيرجعنى البيت و.... طبعا رجعت البيت لحماتها تقولها تصورى بظروفها كذا كذا حماتها تذهب سريعا لإبن خال جوزها تقوله إنت ناوى تخرب البيت ده كان بظروفها ده مأنت عارف إنه صاحب جوزها إزاى إنت مجنون ده عيش وبطاطا وووطبعا الموضوع طلع صدفه وإستحاله تانى اسبوع ماعادش فى دكتور وتالت أسبوع خلاص مافيش دكتور طبعا ده مش جوزها دى حماتها وهى خلاص الحجه انكشفت بس أكيد فى حل تانى عندها وأكيد لسه عايشه فى الخيانه وصاحب صاحبه عايش معاها برده
واحد صاحبنا لقى برده مرات ابن خاله كل يوم تروح سنترال معين تتكلم بالساعه من موبايل دخل بعدها بثانيه اخد باله من شكل الموبايل بالزبط وكتب اخر رقم إتصل بيه الموبايل ده مرة ورا مرة لقى نفس الرقم وإتضح إن برده صاحب إبن خاله اللى كل يوم أعد معاه
واحد بيسأل صاحبه ليه بالذات بتحب تعلق البنات المخطوبه قاله طبعا علشان اللى بتخون خطيبها يبقى طبعا هتخون جوزها ولازم أخد فرصتى
فى الدنيا ياما هنشوف ولسه فى تخاريف كتييييييييييييييييييييييير
لوحة شرف المنتدى للمسابقة 
السبت يونيو 08, 2019 5:48 am من طرف 
موضوع: تخاريف مش تخاريف 
