موضوع: انواع البنات على النت؟ الإثنين أغسطس 17, 2009 6:19 pm
السلام عليكم ورحمة الله وبركاته ..
موضوع لذيذ عن انواع البنات على النت
العاقله!!
لما تفتح متكلمش حد.. تستني الكل يرحب بيها وهي تبتسم وتقول شكرا.. واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش.. ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه. وضحكتها عبارة عن ابتسامه واذا كانت مبسوطه اووي تحط ثلاث ابتسامات.
المصلحجية!!
متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته.. وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده ساره اختي كل يوم تفتح واوصيها تبلغك السلام لاني مشغووولة في الدراسة.. وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني
الرسميـة!!
ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت.. ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات في قسم الرأي الاخر.. وتعشق برنامج الاتجاه المعاكس.ههههههههههههههههههه
المجنونه!!
دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور.. واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه
الغلسه!!
تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر .. وثقافتها ماتعدى المتوسطه .. وضحكتها زي كده هع هع هع ..وتكتب بلون اسود لانها ماتعرف تغير الالوان ههههههههههه.
البطــــة!!
طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق .. ولما ينادوها للعشا تقفل بسرعة البرق.. ههههههههههههههه.. ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع. دمها خفيف ومرهفة المشاعر وأقل موقف ممكن يبكيها.
البريئــة!!
عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟ تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات.. تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك
الكذابة الهابلة
اسمها الحقيقي فردوس . كريمه. زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول الرد بيكون هوالشتايم ههههههههههههههههه
تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها.. .. ماتعرفش تجامل ولاتمدح الا نفسها.. دايم توصف نفسها بالجمال والرشاقه
فى بنت بتكون عايزة تعمل دلوعه وركيكه
ودى تلاقيها حاطة دايما صور دباديب واطفال وصور كارتون زى باربى وغيرها ودايما تكتب بألوان هادية وجذابة " وردى والاحمر " وتلاقيها دايما بتتنقل من موضوع لموضوع كل 3 ثوانى علشان اسمها يتنشر فى السايت واذا دخلت موضوع لولد وكان موضوع مرعب ولا حاجه تلاقى طالع منها ردود عسلية خالص اهئ اهئ اهئ واااااااااء وااااااء الحقينى يامامتى تعالى خدينى ياماما دا انا مش هيجينى نوم النهاردة اهئ اهئ اهئ ياقاسى وعاملة فيها بنت ناس اوى
فى بنت نوع تانى اللى هي بتعمل مريضة
تلاقيها داخلة كل موضوع بالوباء كدا زى انفلونزا الخنازير يااااااااااااااااااااااااااااااااااى انا تعبانه اوى وعندى برد فظيع فظيع مش قادرة اخد نفسى ،، هموووووووووت ياناس اهئ اهئ مش عايزة اروح مستشفى انا مش بحب الحقنه اهئ اهئ اهئ وبعدين تبطل عياط وتدخل علينا بالكحه كح كح كــــــــح ودى بقى مش بتسيب حد فى السايت الا وبيعرف انها مريضة بتنتشر فى جميع انحاء السايت علشان الكل يعرف انها مريضة وفاكرة نفسها خفة بقى وبتستعطف الى قدامها بالكحه ايه الخفة اللى بالشكل دا
فى النوع التالت بقى اللى هو المثقف
وياااااااااسلام بقى لو كانت جامعية ولا حاجه تفضل تحكى عن الكلية بتاعتها وتقولك انا انا وانا وعندى ايكسام بكرة وماليش مزاج ازاكر والاسبوع الجاى عندى ميدتيرم وبكرة عندى كويز وطبعا الشباب هنا بقى يخفف عنها شوية شوية ويقؤم بدوره hehehe وياسلام لو ميعاد الايكسام قرب تجرى تعمل توبيك طويل عريض وتقؤلك عندى ايكسام بكرة يا جماعة دعواتكم بقى ليا قأل يعنى محدش فى البلد كلها بيمتحن غير المحروسة بسلامتها وهي اساسا تلاقيها واخدة دبلوم ومتلقحه فى البيت
النووووووووع الروش
دا بقى نوع تلاقيه اشترك فى الموقع النهاردة مثلا فى يومين تلاقيها 3000 زيارة من اعضاء لها فى التوبيك الواحد 400 رد حد يقولها شكرا تقولة العفو ياحياتى وياسلام بقى لو موضوع كاتبة مشرف ولا حاجه ياسلام عالفن وياسلام عالابداع بس حضرتك فى حاجه صغنونه مش فهماها ممكن تراسلنى عالايميل علشان استفيد من علمك شوية ودى تلاقي الرسايل الخاصة عندها قد كده وتمسك الاعضاء تترسم قدامهم انها مصاحبة المشرف الفلانى وتترسم عالمشرفين انها بنت عم المشرف العام الفلانى وفى الاخر تلاقيها عاملة نفسها اخت صاحب السايت ولو حد جه فى موضوع وقالها يابت بس تلاقيها راحت عملت توبيكات بالعبيط وتقول انا هسيب السايت انا هنتحر ،، وهرمى نفسى من فوق السطوح وتلم الناس كلها حواليها ولو تقدر تجيب الناس اللى فى المواقع الى جنبنا كمان هتعملها
فى بقى النوع الاليط
تعمل فيها البنوته المدللة الدلوعه اذا دخلت موضوع عن الطبيخ تقولك تسلم ايدك بس انا مليش دعوة بالحاجات دى ،، عندنا 3 طباخين هما اللى بيعملوا كل حاجه وهي اساسا تلاقيها ايديها وارمه من غسيل الصحون ويمكن عربيات كمان وياسلام لو دخلت موضوع عن اماكن سياحية ولا حاجه اول ما تدخل تقولك اوووووووووووووووووووووووه واو دا نفس المكان الى بروحه انا ودادى كل صيف واحنا اساسا عندنا محلات وشركات وعقارات هناك ،، وهيا اساسا اخرها Giza Zoo دا اذا ابن الجيران رضى عنها وخدها يفسحها هناك والنوع دا بقى لو اتكلمت قدامه عن المحلات والمولات وكدا تقولك انا اساسا الساعات اللى عندها كلها من نفس الماركه دى والمكياج بتاعى مش بشترية الا من المحل دا والمصمم اللى بصمم عنده بيجاماتى وجلبياتى وفساتينى ..... الخ الخ
عاشق مصر O
الجنس : نقاط : 7471
موضوع: رد: انواع البنات على النت؟ الخميس سبتمبر 17, 2009 12:19 pm
اللهم صلي على رسول الله عليه الصلاه والسلام انتا مش خايف يا بني ولا ايه هههههههههههههههههه ايه الكلام دا جايبه منين دا اكيد من دبي تسلم ايدك يامعلم
محمد عبد الله Y
الجنس : نقاط : 6969
موضوع: رد: انواع البنات على النت؟ الخميس سبتمبر 24, 2009 3:25 pm
هههههههههههههههههههههههههههه لا مش من دبي من مصر شكرا على مرورك يا شوشو
سلمى O
الجنس : نقاط : 6094
موضوع: رد: انواع البنات على النت؟ الخميس سبتمبر 24, 2009 7:48 pm
هههههههههههههه
هههههههههههههههههه ايدا يا محمد روعة بصراحة كل واحدة بقة تشوف نفسها فى نوع من دول
انا بقة عرفت انا مين فيهم بس مش هاقول ههههههههههههههههههه
ك احمد زينهم مؤسس المنتدى
الجنس : نقاط : 8317
موضوع: رد: انواع البنات على النت؟ الخميس سبتمبر 24, 2009 11:39 pm
والله موضوع جاااااااااااااااااااااااامد يامعلم
وع العموما انا ممكن اقولك ياسلمى
ثانيه وجاى ههههههههههههههههههههههههههههههههههههه
محمد عبد الله Y
الجنس : نقاط : 6969
موضوع: رد: انواع البنات على النت؟ السبت أكتوبر 03, 2009 7:34 pm
ههههههههههههههههههههههه شكرا على مرورك الجميل ياسلمى منورة الموضوع والله وشكرا يازوزة على المرور الجميل منور يا حبيب قلبي
okila فريق الإدارة
الجنس : نقاط : 5886
موضوع: رد: انواع البنات على النت؟ الأربعاء نوفمبر 18, 2009 9:23 pm
هههههههههههههههههههههههههههههههههههههه موضوع راااااائع جدا تسلم ايديك يا حمادة
رونى O
الجنس : نقاط : 6099
موضوع: رد: انواع البنات على النت؟ السبت ديسمبر 26, 2009 11:44 pm
موضوع جميل جدا تسلم ايدك يا محمد
ك احمد زينهم مؤسس المنتدى
الجنس : نقاط : 8317
موضوع: رد: انواع البنات على النت؟ الأحد ديسمبر 27, 2009 11:24 pm