صبغت الشمس شعرها لون مشمشى
قلعت برقع الحيا .... مبقتش تختشى
ماشيه تتمخطر فى الفضا
على حل شعرها
راحوا النجوم والعدا
قالوا لاهلها
قام القمر غامزلها
وقاللها... فرفشى
_______
وع الارض الوضع مختلفش
بنشوف حجات متتشافش
رجاله شنبها فى وشها
وبناطيلها صاقته منها
وبلاوى تانيه .. متتوصفش
وشلة بنات اشى اشى
لابسين حاجات شفتشى
لا ده الحياه هكذا
محتاجه عنايه مركزه
زمن الاخلاق خلاص مشى
_______
والفساد ساد وانتشر
بينهش فى لحم البشر
بياكل فى جدار البيوت
بينهب القمح والقوت
وقلبه اقوى من الحجر
وياهلترى ايه اللى جرى
دنيتنا حالتها متأخره
ضيعت من ايدنا الامل
عملتلنا سحر وعمل
وبترجع بينا لـ ورا
_________________
محمد حسن
مصراوى
مع تحياتي
okila